Gjykata ka lënë në burg Ensi Mazen, 18-vjeçarin që akuzohet si bashkëpunëtor për vrasjen me thikë të 20-vjeçarit, Stiven Toshkëzi, disa ditë më parë në Tiranë.
I riu u shfaq i qetë në seancën gjyqësore të mbajtur sot, ku u njoh me masën e sigurisë “Arrest me burg”.
Kujtojmë se 18-vjeçari në bashkëpunim me bashkëmoshatarin Axel Hoxhaj goditën me thikë Toshkëzin, i cili nuk mundi t’iu mbijetojë plagëve të marra. Ngjarja ndodhi dy ditë më parë, rreth orës 00:15, në rrugën “Skënder Sallaku” në Tiranë.
Sipas informacioneve konflikti nisi për një vajzë.
