Bashkëshorti i 20-vjeçares që humbi jetën brenda shtëpisë së saj në Glyka Nera, pranë foshnjës së vogël 11 muajshe, mbetet ende në një gjendje shoku.
Duke folur para gazetarëve jashtë shtëpisë ku ndodhi tragjedia, 32-vjeçari, me sa duket i shkatërruar, tha se e kuptoi që gruaja e tij nuk ishte gjallë kur ai foli me policinë, e cila erdhi dhe e shpëtoi. Sikurse ka treguar për mediat, policia është në kontakt të vazhdueshëm me të, dhe për 24 orët e fundit ata kanë kryer hetime të vazhdueshme lidhur me rastin.
“Ata na lidhën ndërsa ne u thamë se ku ishin paratë. Nga ai moment e tutje … Kam kuptuar se gruaja ime ishte e vdekur, kur fola me policinë, kur policia hyri dhe më la të lirë “, tregoi 32- vjeçari. Ndërsa për foshnjën e tij 11 muajshe ai tha se për fat të mirë nuk pësoi gjë dhe është mirë.
Varrimi i nënës 20-vjeçare do të bëhet të Premten në 3 pasdite nga Tempulli i Shenjtë i Agia Paraskevi në Alonissos.
Ku po kërkojnë autoritetet për autorët?
Tek mafia shqiptare dhe gjeorgjiane janë lidhjet ku autoritetet po kërkojnë për zbardhjen e krimit të rëndë. Natyra e egër e grabitjes, e cila çoi në vrasjen e një nëne të re para burrit dhe foshnjës së saj, u referohet autorëve të huaj, siç u vlerësua që në momentin e parë nga oficerët e policisë të përfshirë në hetime.
Raporti mjeko-ligjor konfirmon zemërimin e grabitësve ndaj rezistencës së nënës së re që humbi jetën brenda shtëpisë së saj në Glyka Nera.
Sipas informacioneve, vdekja është shkaktuar nga bllokimi i rrugëve të frymëmarrjes si rezultat i mbytjes.
Vrasësi i vajzës fatkeqe I bllokoi frymëmarrjen me rroba, duke e shtrenguar vajzën në mënyrë të padurueshme dhe duke ia bllokuar gojën me pëllëmbën e duarve.
Në fakt, siç rezulton, në të njëjtën kohë me gishtin e madh dhe treguesin, grabitësi i bllokoi hundën. Kështu, vajza nuk mund të merrte frymë, duke përfunduar në vdekje. Fillimisht u ngritën dyshime për mbytje me jastëk, një skenar që tani është përjashtuar.
Përveç kësaj, ka shenja të zbehta të rezistencës në fytyrën e vajzës, por ato janë shuar shpejt nga forca e grabitësit.
Nën mikroskop gabimet e autorëve
“Ata bënë gabime. Ata qëndruan në shtëpi për një kohë të gjatë. Ata luftuan me viktimën e tyre, ata nuk llogaritën të gjurmët që lanë pas në tërbimin për të gjetur paratë”, kështu u shpreh për CNN një autoritet ekzekutiv I policisë greke, lidhur me ngjarjen. Autorët mund të kenë besuar se ata planifikuan hollësitë më të vogla të sulmit të tyre vdekjeprurës në shtëpinë e çiftit, por teknologjia dhe kërkimi do të zbulojë identitetin e tyre.
Skanimi i shenjave të gishtërinjve dhe ADN-së është duke vazhduar dhe çështja është duke u trajtuar me përparësi.
Element i rëndësishëm, sidoqoftë, mbetet fakti se kush i dha grabitësve informacionin që kishte para në shtëpi. Dhe kjo sepse është e qartë, se zgjedhja e kësaj familje të veçantë nga kriminelët nuk ishte vetëm e rastësishme.
Burri 32-vjeçar tashmë u ka dhënë oficerëve përshkrimin e tij të parë të asaj që ai përjetoi kur kriminelët hynë në shtëpi.
“Papritmas i pashë para meje. Dy me kapuçë të plotë dhe i treti me shallin e qafës që e mbulonte deri në hundë. Fiziku i tyre ishte normal. Ata flisnin shumë mirë greqisht dhe vazhdonin të më thoshin “ku janë paratë, eh”, ka rrëfyer ai.
32-vjeçari i tha policisë se ai nuk u rezistoi aspak kriminelëve dhe shumë shpejt u zbuloi atyre se kishte para në një kuti lodrash.
Siç tha ai, ai kohët e fundit kishte blerë një tokë dhe ata menjëherë do të fillonin ndërtimin e shtëpisë dhe kështu ai kishte para në shtëpi./Opinion.al
