Një 18 vjeçar u vra sot me kallashnikov në qytetin e Pogradecit, në ambientet e një lokali, nga një bashkëmoshatar.
Sipas Policisë, mesohet se motivi i sherrit ka qenë një femër. Pas këtij sherri në ambientet e një lokali në rrugën “Rinia”, Fabio Hila, i afërm i deputetit të PS, Ilir Xhakolli, u qëllua me disa plumba dhe ndërroi jetë gjatë dërgimit në spital.
Fabio Hila Autori i dyshuar i ngjarjes, Fabio Musollari u largua nga vendngjarja, por si rezultat i reagimit të shpejtë Policia e arrestoi 18vjeçarin në kohë rekord. Policia gjithashtu ka sekuestruar dhe armën e krimit.
Dy të rinjtë me të njëjtin emër kishin debatuar më herët në telefon dhe disa ditë më parë në “Facebook” për një vajzë që e pëlqenin të dy.
Pas grindjes së fundit, Musollari ka shkuar në lokalin ku ndodhej Hila dhe e ka qëlluar me armë, raporton “News 24”. Musollari nga fshati Vërdop, njihej si person problematik. Ngjarja ka ndodhur në prani të dhjetëra personave dhe ka shkaktuar kaos dhe panik
