Gjykata e Tiranës ka caktuar sot masat e sigurisë për 4 të arrestuarit, të cilët akuzohen për vrasjen aksidentale të 17vjeçarit Ardit Gjoklaj.
Kështu, Gjykata ka vendosur masën e arrestit me burg për Besnik Brahën, përgjegjësin e firmës së riciklimit të mbetjeve në Sharrë, Edmond Kollari drejtues ekskavatori dhe Dëfrim Hakrama, përgjegjës turni.
Ndërsa është caktuar masa detyrim paraqitjeje për Bujar Dajën, përgjegjës i punonjësve. Gjithashtu, gjykata ka caktuar arrest me burg në mungesë për Edurim Teqjen, administratori i firmës.
Të akuzuarit mësohet të kenë deklaruar se nuk e njohin adoleshentin dhe nuk e kishin idenë se si ai kishte hyrë në landfill, pavarësisht se kishte disa muaj që punonte aty, raporton ‘Klan’.
