Katër të mitur janë arrestuar në lidhje me ngjarjen e rëndë të ndodhur ditën e djeshme në Gramsh, ku një 16-vjeçar u qëllua me thikë për vdekje nga bashkëmoshatërët e tij.
Sipas policisë janë arrestuar në flagrancë: Xh. Ç., 15 vjeç, O. Ç, 14 vjeç, E. K., 15 vjeç dhe S. M., 16 vjeç.
Të miturit dyshohet se në bashkëpunim me njëri-tjetrin, pas një konflikti të çastit, në lagjen “Sporti 2”, Gramsh, në rrugë, kanë plagosur me thika, shtetasit e mitur F. B., 16 vjeç dhe M. L., 15 vjeç.
16-vjeçari nuk arriti t’iu mbijetojë plagëve të marrë, ndërsa shtetasi M. L. vijon të jetë në kujdesin e mjekëve, jashtë rrezikut për jetën.
Në cilësinë e provës materiale u sekuestruan 3 mjete prerës (thika), 2 përforcues grushti dhe 5 celularë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
