Të tjera detaje janë publikuar nga mediat greke lidhur me vrasjen e Alkis Kampanos, 19 vjeç, ngjarje e ndodhur javën e shkuar në Selanik. “Tashmë një element i ri është zbuluar teksa policia ka mbërritur, te “huligani” që goditi me thikë për vdekje 19-vjeçarin”, shkruajnë mediat greke.
Autoritetet kanë zbuluar se një 22-vjeçar shqiptar mes të arrestuarve që ka një plagë në dorë, e cila u konstatua se i erdhi nga thika që mbante në duar kur vrau të riun grek.
22-vjeçari u arrestua nga policia të dielën e kaluar, së bashku me 7 të tjerë që morën pjesë në sulmin vdekjeprurës.
Mediat greke shkruajnë se 22-vjeçari është plagosur nga thika që ka përdorur në dorën e djathtë. Policia ka lokalizuar plagën dhe siç raporton ka ardhur gjatë sulmit.
Për momentin ai mohon të jetë vrasësi i Alkisit. Megjithatë, ai nuk mund të shpjegojë bindshëm se si i ka ardhur plaga në pëllëmbën e dorës. Policët që e kanë trajtuar rastin dhe e kanë marrë në pyetje, tashmë konsiderojnë se kanë në dorë elementin kyç për autorin e vrasjes./Opinion.al
