Aktualitet

Vrasësi i Linzës, si e nxorri zbuluar skedina e Taxhikistanit?


Bëhu pjesë e Grupit Zyrtar të Opinion.al
>> KËTU <<
               Publikuar në : 03:30 - 13/11/15 |
b.f

Ervis Martinaj, i dyshuar për implikim në vrasjen e Enton Nikaj, ditën e djeshme në fshatin Linzë të Tiranës, ka një të shkuar dhe të tashme të errët edhe  në krijimin e lojrave e paligjshme të fatit.

Interesante është historia se si në vitin 2013, Martinaj u zbulua nga Prokuroria për organizim të këtyre basteve, falë një denoncimi që nuk kishte lidhje me të personalisht, por me atë që më pas do të zbulohej se ishte kompania që ai kishte krijuar.

Sipas dokumentit gjyqësor që zotëron Opinion.al, “Më datë 11.07.2013, mbi bazë të kallëzimit penal të shtetasit Genci Berberi, Prokuroria pranë Gjykatës Rrethit Gjyqësor Tiranë, ka regjistruar procedimin penal Nr.3717 te vitit 2013.

Shtetasi Genci Berberi në datë 13.03.2013 ka luajtur në një pikë bastesh sportive në rrugën “Frederik Shiroka” dhe kjo pikë sipas tij është në pronësi të shtetasit Elvis Gjetani. Konkretisht atë ditë ai ka vendosur rreth 40 bileta në shumat 500-1.500 lekë.

Për ndeshjen Tajikistan U17- Kargyztan U17 koinficenti për fitoren e skuadrës së pare ishte 8 dhe për këtë ndeshje ai ka vënë disa baste. Pas rreth dy orësh që perfunduan të gjitha ndeshjet, kompania BASTE LIVE ndërroi koificentin e ndeshjes Tajikistan U17- Kargyztan U17 nga 8.00 në 1.00 .

Pas kësaj ai ka komunikuar me shtetasin Johan Kokeri, punonjës te pika, i cili ka folur në telefon me punonjës të qendrës dhe ata i kanë thënë që ishte një gabim njerëzor. Më vonë ai ka komunikuar edhe me pronarin e kompanisë BASTE LIVE, Z. Elvis Gjetani dhe kanë vazhduar pretendimin e tyre se ky ishte një gabim njerezor.

Për të sqaruar këtë fakt, kallzuesi Genci Berberi ka patur edhe një takim me shtetasin Elvis Gjetani dhe gjatë këtij takimi i është konfirmuar nga Elvisi se nuk do të shlyhej”. Për këtë arsye thuhet në relacionin e Gjykatës së Tiranës, shtetasi Genci Berberi ka paraqitur në Prokurori edhe biletat e luajtura në pikën e mësipërme me koificentin e mësipërm.

Por çfarë ka ndodhur? Pas verifikimit të kryer, Prokuroria e Tiranës ka rezultuar se kompania ka për ortak Ervis Martinaj, por pika e basteve ku paditësi ka vendosur skedinat ishte e paregjistruar, pra punonte në informalitet.

Për këtë arsye, pas dëshmive të mbledhura, Ervis Martinaj u dënua me gjobë 300 mijë lekë për “Organizim të Llotarive të Palejuara”, ndërsa personi që u bë shkak për zbulimin e pikës së paligjshme të basteve, nuk i mori paratë për ndeshjen me Taxhikistanin, e cila iu vlerësua me koificent 1. Ndërkohë që burime për Opinion.al, thanë se Martinaj është ende në proces gjyqësor po për të njëjtën akuzë.

KOMENTO (11)

Shkruaj nje koment

  1. Po ti çeri i ketij je shiko o njeri se dhe ty kushedi ku te ka prekur shiko dhe hap syte flet per trima ti kok pa lare mir tu behet te vriten midis tyre mu ne pith te motrave te vene marshin dhe ndonje deputet me vete

  2. Nuk eshte puna per te mbrojtur njeri apo per te akuzuar nje tjeter …ne jemi te presekutuar dhe te denuar nga politikanet ne pergjithesi kriminele kan qene dhe kriminele jane ata poshte qe shkrepin armen jan krimbat e tyre dhe jo trimat . Sot ne kete bote ka vetem te pasur dhe te varfer dhe ska trima apo te dobet ata qe kan lek dalin pas 3 javesh ai qe ska buke te haje denohet 3 vjet burg

  3. Ky ka mbeshtetjen e berishes me shoke ashtu si kane disa te tjere te rames me shoke… nderkohe ju vazhdoni te ziheni se kush eshte me i “mire” apo me i “forte” pa e kuptuar se qe te dy krahet jane njesoj fajtore, vjedhin, vrasin e presin ne mes te dites pa ju hyre gjemb ne kembe dhe pjesa tjeter e Shqiptareve vuajne per nje cope buke. Po shkaktaret per kete situate nuk jane as keta kriminelat ordinere as politikanet tane te felliqur, keto jane thjesht pasojat e injorances tone si popull qe 25 vjet “demokraci” nuk kemi mesuar asgje dhe vazhdojme te zihemi me njeri tjerin se kush nga ata eshte me i mire…

  4. ky djali ka shume shume lek i ka pas dyert hapur prej berishes kane vjellur vota per pd ne lac gjithmone familja e tij plu ka lokalin ne patok buze detit e ka fotografin e sali berishes…….

Pas