Te Fundit

Vrasësi i ish-Kryeministrit del në gjykatë: Desha të vras kryetarin e sektit



Bëhu pjesë e Grupit Zyrtar të Opinion.al
>> KËTU <<
               Publikuar në : 08:58 - 10/07/22 |
Opi Nion

Tetsuya Yamagami, njeriu që qëlloi dhe vrau ish-kryeministrin japonez Shinzo Abe, i tha policisë se ai u përpoq të bënte një bombë, përveç prodhimit të më shumë armëve të punuara me dorë, njëra prej të cilave u përdor në atentat.

Yamagami, 41 vjeç, doli mëngjesin e sotëm para prokurorëve me akuzën e vrasjes dhe për masën e sigurisë.

Sa i përket shkaqeve të gjestit, burri përjashtoi arsyet politike, duke përsëritur se nëna e tij kishte bërë një “dhurim të madh” për një organizatë fetare ndaj së cilës ai mbante një inat të fortë, duke besuar pjesë e saj ishte dhe Abe.

Megjithatë, bujaria e nënës së tij kishte krijuar probleme të rënda financiare për familjen. Një burim, shkroi përsëri Kyodo, tha se Yamagami raportoi se fillimisht, kishte ndërmend të sulmonte një udhëheqës të grupit fetar, por ai më pas vendosi të shënjestronte Abe. Megjithëse policia nuk dha detaje mbi organizatën që citon Yamagami, disa media të huaja kanë spekuluar se mund të jetë Kisha e Unifikimit, e themeluar nga Reverend Moon në Korenë e Jugut dhe që besohet se është sjellë në Japoni nga gjyshi i Abe, Nobusuke Kishi. Sekti, i famshëm për martesat e tij masive, ishte shumë i popullarizuar në vitet 1980.

Oficerët e policisë në detyrë në vendin e tubimit zgjedhor të qytetit Nara ku ish-kryeministri Abe Shinzo po mbante një fjalim nuk e njohën të dyshuarin në turmë derisa dëgjuan të shtënën e parë. Kjo u raportua nga rrjeti publik NHK, në një rindërtim të ngjarjes, duke konfirmuar boshllëqet e sigurisë, duke kujtuar se Tetsuya Yamagami, 41 vjeç, vrau Abe me dy të shtëna të shpërthyera me një armë të bërë me dorë prej druri dhe hekuri nga një distancë e afërt. Policia arrestoi në vend burrin, një banor i papunë në qytet, i cili dyshohet se iu afrua ish-kryeministrit duke ecur diagonalisht nga pas dhe duke qëlluar disa metra më tutje. Agjencia Kombëtare e Policisë tha se, duke marrë parasysh rrethanat e skenës së sulmit, do të synonte të rishikonte masat e sigurisë të ndjekura në ditën e varsjes së ish-kryeministrit, duke përmendur probleme të mundshme me masat e sigurisë për patrullimin e zones nga prapa. Disa ekspertë kanë vënë në dukje boshllëqet e mbikëqyrjes, me oficerët e paaftë për të ndaluar sulmin./Opinion.al

 

Pas