Ferdinand Ruko u dënua me 35 vite burg pasi një vit më parë vrau në mënyrë makabre bashkëshorten Liljana Rukon duke e hedhur nga dritarja e banjos në qytetin e Fierit ku banonin. Në një intervistë për emisionin “Pasditja ime” në RTSH ai nuk shfaqi shenja pendese. E vetmja gjë për të cilën e fajësonte veten ai është fakti që u dashurua dhe u martua me Liljanën në vitin 2008.
“Asgjë nuk e justifikon vrasjen, por ajo grua më çoi në ekstrem, ç’i desha trutë e mi… që mora atë për grua” Kështu shprehet sot Ferdinand Ruko, 52 vjeçari që vrau gruan e tij Liljana Rukon, nënën e dy fëmijëve të tyre.
“Unë e thash me gojën time, që vrasja nuk justifikohet, por të tëra këto… ti mos e ço njeriun në këtë farë pike… 2008 ka qenë gabimi im i vetëm, viti kur u njoha me këtë. Por qëkur e pashë, thashë kjo është gruaja ime e jetës… po për moshën që kisha, për të gjitha ato që kisha hequr, nuk më lejohej ky gabim. Nga 2008 e këtej, asnjëherë nuk kam qenë shkak por pasojë. Ç’i bëra trutë e kokës, që mbylla sytë, që çdo gjë mu venit e mu fashit e që mora këtë për grua.” tregon ai.
Ruko, e konsideronte gruan si pronën e tij, dhe në një moment thotë se ne ishin dy kufoma dhe një shpirt. Sakaq shprehet se do të kërkojë lirinë deri në fund.
Sepse njëri nga ne të dy do të vdiste. Kur unë të marr për grua, nuk je prona ime, por je prona ime shpirtërore. Kur fillojmë dhe flasim dhe grave i jep më shumë prioritet, mua pse mu mbyll goja? Gjyqtari ma mbylli gojën! Unë nuk isha dhunuesi, por i dhunuari”
/Opinion.al
