Një krim i rëndë në familje ka ndodhur mëngjesin e sotëm në fshatin Guci e Re të Shkodrës. Burri ka vravrë me çifte gruan 30 vite më të re. Beqir Xhilaj, 74 vjeç është hera e dytë që kryen vrasje. Ai kishte vrarë edhe gruan e parë.
Pas kryerjes së dënimit për vrasjen e parë autori ishte martuar me Lumturie Xhilaj, 45 vjeçe e cila pati të njëjtin fat të zi me gruan e parë. Autori, i cili në fillim fshehu krimit duke thënë se gruaja u vetëvra, është arrestuar nga policia.
Njoftimi i policisë
Më datë 08.05.2017, rreth orës 00: 05, njoftohemi se është vetvrarë me armë gjahu në banesë shtetasja Lumturie Xhilaj, banuese në fshatin Guci e Re Njësia Administrative Rrethina, Shkodër.
Menjëherë në vendngjarje kanë shkuar shërbimet e Policisë dhe grupi hetimor.
Në përfundim të veprimeve të para të kryera, rezultoi se shtetasja Lumturie Xhilaj nuk është vetvrarë por dyshohet se e ka vrarë bashkëshorti për motive të dobëta, krim që më pas e ka pranuar edhe vetë autori.
Në këto kushte Specialistët për Hetimin e Krimit bënë arrestimin në flagrancë të shtatasit:
Beqir Xhilaj, 74 vjeç, banues në fshatin Guci e Re Njësia Administrative Rrethina Shkodër.
Në vendin e ngjarjes u gjet dhe u sekuestrua në cilësinë e provës materiale arma e gjahut të cilën e mbante me leje shtetasi i lartpërmendur.
Materialet i kaluan Prokurorisë së Rrethit Gjyqësor Shkodër për veprën penale të “Vrasjes për shkak të marrëdhënieve familjare”, e parashikuar nga neni 79/c i Kodit Penal.
