Vrasësi i dyshuar i aktivistit Charlie Kirk jetonte me partneren e tij transgjinore. 22-vjeçari Tyler Robinson ishte në një marrëdhënie romantike me një person, të quajtur Lance Tëigs 22 vjeç, që është transformuar nga burrë në grua, raporton FoxNeës.
Ky person ka bashkëpunuar plotësisht me FBI-në për hetimin e kësaj ngjarje.
Një zyrtar i FBI-së tha Fox News se transgjinori ka qenë “jashtëzakonisht bashkëpunues” dhe se ai “nuk kishte asnjë ide” për planin e Robinson për të vrarë Charlie Kirk. Ky person aktualisht nuk akuzohet për asnjë aktivitet kriminal lidhur me vrasjen.
Agjentët e FBI-së kanë në dorë mesazhe dhe komunikime të tjera midis Robinson dhe partnerit të tij që ndihmuan hetuesit për të lokalizuar Robinson. Po ashtu, FBI-ja ka konfiskuar prova nga apartamenti i tyre, përfshirë kompjuterë, të cilat janë dërguar për t’u analizuar.
Apartamenti që Robinson dhe partneri i tij ndanin është në të njëjtën zonë të Utah-s jugore ku jetojnë prindërit e Robinson, rreth katër orë larg nga Universiteti i Luginës Utah, ku Robinson dyshohet se qëlloi për vdekje Kirk.
Babai i Robinson, i cili e dorëzoi djalin e tij te autoritetet, i tregoi FBI-së se e kishte njohur të birin nga imazhet e kamerave të sigurisë, të cilat drejtori i FBI-së, Kash Patel, urdhëroi të bëheshin publike gjatë kohës që i dyshuari ishte në arrati.
Kur Robinson mbërriti në shtëpinë e babait të tij, ai tha se donte të vriste veten. Ndërkohë, hetuesit kanë konfirmuar se pushka që dyshohet të jetë përdorur për vrasjen e Kirk kishte municion me mesazhe anti-fashiste.
Ndërkohë, hetuesit kanë tashmë në dorë disa biseda në “Discord”, një platformë online mesazhesh, ku përdorues të tjerë shkruanin se personi në foton e bërë publike si autor i dyshuar ishte pikërisht Tyler Robinson. Njëri prej tyre i shkruajti 22-vjeçarit, duke i thënë: “Ku je”?
Robinson u përgjigj brenda 1 minute, duke bërë humor: “Është sozia ime, kërkon të më fusë në telashe”.
Një tjetër përdorues shkruajti se i dyshuari është pikërisht Tyler.
