Vrasës nga Vlora kanë ekzekutuar në mes të Fierit 57-vjeçarin Adem Backa mbrëmjen e së shtunës. Është kjo pista në të cilën është duke hetuar policia, ndërsa mendohet se zanafilla e ngjarjes është një konflikt i vjetër me një personazh të njohur të botës së krimit me inicialet A.I.
Sipas ‘Ora News’, sherri mes Backës dhe A.I. ka ndodhur një vit e gjysmë më parë, në një nga ambientet e kafe “Piazza” në Fier, ku Demir Backa dhe ky person së bashku me djalin e tij, kishin shkuar për t’u sqaruar pas një konflikti që i riu kishte pasur me mbesën e Backës.
Mësohet se djali i këtij personi me inicialet A.I e përndiqte vajzën prej kohësh, dhe tentativat për sqarim jo vetëm që nuk kanë përfunduar mirë, por Demir Backa dhe A.I. janë përfshirë në një konflikt verbal e fizik dhe Demir Backa e ka qëlluar me pëllëmbë dhe grushte personin tjetër.
Pavarësisht tentativave për ta zgjidhur konfliktin, çështja nuk është mbyllur dhe dyshohet se kjo ngjarje është bërë pikërisht shkak për vrasjen e 57-vjeçarit.
Besohet se vrasësit janë profesionistë nga qyteti i Vlorës, pasi është provuar se autorët kanë ardhur në Fier nga Vlora dhe janë kthyer sërish atje Policia gjeti më pas një makinë të djegur dhe brenda saj dy armë zjarri dhe 16 gëzhoja./Opinional
