28-vjeçari Keivi Hysa është ekstraduar nga Italia në Shqipëri. I riu nga Kurbini, ishte shpallur në kërkim pasi Gjykata e Rrethit Gjyqësor Sarandë, në vitin 2015 ka caktuar masën e sigurisë “Arrest në burg” për veprën penale “Vrasje me paramendim e kryer në bashkëpunim”.
Më datë 10 korrik të vitit 2015, rreth 02:00, në Sarandë, si rezultat i një mosmarrëveshjeje për motive të dobëta mes pronarit të një lavazhi makinash, Keivi Hysa, xhaxhai i tij dhe një tjetër person e dhunuan atë.
I riu dhe personat e tjerë që e ndihmuan fillimisht dhunuan Edmond Mehmeti me shkop bejsbolli dhe me tytën e pistoletës.
Pas kësaj një nga autorët iu afrua dhe qëlloi në drejtim të pronarit të lavazhit, i cili gjeti vdekjen e menjëhershme./ Opinion.al
