Janë dënuar me 50 vite burg babë e bir të cilët akuzohen se groposën Eglantina Bucin.
Mësohet se Gjykata e Tiranës ka dënuar me nga 25 vite burg Faik dhe Shkëlzen Buçin.
Kujtojmë se trupi i pajetë i Englantinës u gjet i groposur në vendin e quajtur Mali me Gropa më 14 shtator 2012.
Në Malin me Gropa u gjet një skelet i groposur, ku pas analizave, rezultonte të ishte i Eglantina Bucit.
Për këtë ngjarje të rëndë, u akuzuan babai dhe vëllai i të ndjerës.
Shkëlzen Buci, vëllai i Eglantinës ka thirrur motrën e tij për kafe, teksa i shoqëronte dhe shoku i tij. Gjatë rrugës për tek Mali me Gropa, Eglantina e ka kuptuar se diçka nuk po shkonte.
Aty Shkëlzeni ka nxjerrë pistoletën dhe e ka qëlluar me një plumb. E gjithë skena është parë nga shoku, i cili ka ndërhyrë duke i thënë “më vrit dhe mua”, por që Shkëlzeni nuk e ka bërë.
Ka qenë dëshmia e këtij, që ka shërbyer si spunto më pas për zbardhjen e këtij krimi, edhe pse 8 vite më pas. Nisur nga kjo, shoku ka marrë statusin e dëshmitarit të mbrojtur.
