Nuk ka ende një deklaratë zyrtare mbi motivin që shtyu sot një bashkëshort të vriste gruan e tij në lagjen “Allias” në Tiranë.
Më e vështirë duket për të gjetur një shkak, pas konstatimit se kemi të bëjmë me një familje të rregullt, ku çifti i bashkëshortëve ishin edhe besimtarë të devotshëm.
Burime pranë Policisë kanë thënë për mediat, se Alket Arapaj e vrau gruan e tij Ervilma Seferi për shkaqe xhelozie, pasi mendonte se ajo e tradhëtonte.
“Kohët e fundit më ishin shtuar dyshimet për tradhti. Me vjën keq për vajzën, jam familjar i rregullt”, -mësohet të jetë shprehur autori i krimit.
Ndërkohë që një variant tjetër është edhe mundësia që sherri të ketë nisur pasi bashkëshortja insistonte që të fillonte punë.
Vrasja ndodhi në dhomën e ndenjes në katin e katërt, ku çifti banonte së bashku me vajzën e tyre 3 vjeçare.
