LSI distancohet nga veprimi i 4 këshilltarëve të saj bashkiakë të cilët votuan sot pro buxhetit të Bashkisë së Durrësit duke bashkuar votat me PS. E njëjta skemë u përdor edhe dy ditë më parë në Tiranë, ku buxheti i miratua me 4 vota të LSI.
Por, për Lefter Kokën, vendimi i këshilltarëve të Durrësit ka qenë personal. Ai thotë se “Grupi i Keshilltareve te LSI mori vendimin mos te jene pjese e votimit te buxhetit 2018 per Bashkine Durres. Kete detyre morale ndaj qytetareve sot nuk e permbushen 4 nga anetaret e LSI ne Keshillin Bashkiak: Adriana Hatellari, Iris Gruda, Sanije Doda, Skender Korriku. Ju miqte e mi i keni bere sot nje sherbim shume te keq Durresit dhe bashkeqytetareve tuaj. Nuk ishte ky misioni yne!”.
Përmes një statusi në facebook, Kryetari i LSI për Durrësin, Koka vijon: “Në buxhetin qe u votua sot u harrua se Bashkia ka nje siperfaqe 5 here me te madhe se ajo e 2015-es. Buxheti Bashkise Durres nuk mund te jete buxheti i 3 projekteve miliona eurosh! 36 milione euro sot duhet te shkonin per familjet ne nevoje, per hapesirat e gjelberta te munguara ne kete qytet, per hapesira argetimi publike per femijet tane, per cerdhet e kopshtet e munguara ne Shkozet , Kenete, Spitalle e Njesite Administrative! Per mijera banore qe permbyten cdo vit, per mijera banore qe nuk kane ujin e pijshem ne shtepite e tyre.
Mijera banore ne Njesite Administative, zero buxhet per nevojat e tyre!
Asnje plan per uljen e papunesise, asnje plan per zhvillimin e turizmit, asnje plan per mjedisin , asnje plan per trajtimin e mbetjeve urbane, asnje mbeshtetje apo incentiva per biznesi.
Ky nuk eshte Durresi qe duam !”, perfundon Koka.
