Kryeministri Edi Rama ka shkuar për të votuar në qendrën e votimit në Surrel i shoqëruar nga bashkëshortja e tij, Linda Rama.
Pas votimit në një deklaratë për mediat tha se sot askush nuk duhet të ushqejë ndjenja negative ndaj askujt që me votën e tij shpreh një vullnet tjetër. Më tej ai iu ka bërë thirrje qytetarëve të dalin në votime.
“Sot është një ditë shumë e bukur, dielli është fantastik, sot është dita që të mos ushqejmë ndjenja negativ ndaj askujt që me votën e tij shpreh një vullnet tjetër. Mos ta harrojmë sot dhe asnjëherë se jemi një familje e madhe në të njëjtin atdhe dhe nga ana tjetër askush të mos harrojë se demokracia është një sport pa spektatorë dhe secili duhet të zbresë vetë në fushë dhe të gjuajë me votë. Kështu që zbrisni në fushë, gjuajeni penalltinë tuaj dhe në fund fitoftë më i miri”, deklaroi Rama./Opinion.al
