Ditën e sotme në Kuvend është votuar emërimi i dy ministrave të rinj, Bledi Çuçi dhe Milva Ekonomi, me 97 vota pro dhe 4 kundër.
Ajo që u vu re ishte vota kundër e Mimi Kodhelit.
Nëpërmjet një tefefonate në “Open”, Mimi Kodheli është shprehur se ky ishte një lapsus, e sipas saj, mosha i ka bërë të nevojshme përdorimin e syzeve optike.
Kodheli është shprehur se do të kishte votuar me të dyja duart për emrat e ministave të rinj.
“Ka qenë në një lapsus, jam në një moshë që kam nevojë për syze, dhe në atë moment nuk i kam pasur syzet ndaj ndodhi ky lapsus. Për të dy personat do kisha ngritur të dyja duart për detyrën që morën. Milvën madje e kam shoqe fëmijërie”, tha Kodheli.
Ndërkaq i ftuar në “Open” ka qënë dhe kreu i grupit parlamentar Balla, i cili teksa u shpreh se nëse ky veprim i Kodhelit është një shenjë përçarje në PS, Taulant Balla e mohoi.
Ai u shpreh se ky ishte një lapsus dhe nuk ka asnjë përçarje brenda Partisë Socialiste./Opinion.al
(Kliko këtu për të parë se si kanë votuar deputetët ditën e sotme për 2 ministrat e rinj)
