Kandidati i PD për Tiranën, Roland Bejko ka akuzuar ish-kryeministrin Sali Berisha, se në këto zgjedhje nuk po garon me PS por me partinë Demokratike.
Në një postim në rrjete sociale, Bejko ka treguar se në zyrat e fushatës së partisë Demokratike është shkruajtur “Voto Belindin”.
Për këtë akt, Bejko ka akuzuar Berishën, duke i thënë së në këto zgjedhje mesa duket është në garë me partinë Demokratike.
Ai e dënon me forcë këtë akt dhe i bën thirrje autoriteve që të marrin masat dhe të venë para përgjegjësisë shkelësit e ligjit.
“Kjo është prova se Sali Berisha në këto zgjedhje nuk ka garë me socialistët por me partinë Demokratike. Berisha dhe Metaj kanë frikë nga forca e demokratëve të thjeshtë që do të votojnë masivish kundër tyre dhe Edi Ramës në 14 maj.
E dënoj me forcë këtë akt vandal, por gjithashtu i bëj thirrje autoriteve që të marrin masat dhe të venë para përgjegjësisë shkelësit e ligjit”, shkruan Bejko./Opinion.al
