Kuvendi ka rrëzuar kërkesen e PD-LSI per anulimin e votimit te ligjin per Teatrin. Pas kerkeses së opozitës per anulimin e votimit, Sekretariati i Kuvendit shqyrtoi gjithe proceduren, materialet dhe pamjet filmike qe shoqeruan votimin e vone të së enjtes. Pas verifikimit, burime nga Kuvendi, bejne me dije se votimi eshte i vlefshem. Pjese e grupit shqyrtues ishin deputetët e PS Ador Shameti, Alket Hyseni. Ata kanë arritur në përfundimin se në bazë të pamjeve filmike deputetët e LSI, Endrit Brahimllari dhe Edmond Panariti,kane nderruar karten e deputetit Bitri, duke i vendosur në tavolinë kartën e deputetit Vangjel Tavo.
Pas vendimit të kryetarit të Kuvendit, Gramoz Ruçi, për të mos e anuluar votimin për teatrin, ka reaguar në facebook, kreu i grupit të LSI, Petrit Vasili:
“Hajdutet e votave refuzojne e pengojne rivotimin e ligjit per teatrin dhe vulosin manipulimin mu ne mes te parlamentit te votimit te ligjit per teatrin.
Vodhen teatrin, vjedhin votat edhe ne parlament,vjedhin shqiptaret perdite me koncesione.
Me nje fjale eshte epidemi hajdutesh ne syte e shqiptareve dhe ne krye te qeverise”, shkruan Vasili.
