Presidenti Ilir Meta ka reaguar pasi Parlamenti bullgar votoi propozimin francez për Maqedoninë e Veriut dhe kështu i hapi rrugë heqjes së vetos ndaj shtetit fqinj.
Në një postim në rrjetin social “Facebook”, Meta përshëndet votimin e Parlamentit bullgar dhe shkruan se është në pritje të një lajmi tjetër nga mbledhja e Këshillit Europian, që vijon.
“Më në fund erdhi lajmi i shumëpritur nga Bullgaria mike, që ka qenë gjithmonë një mbështetëse e vendosur e procesit tonë të anëtarësimit.
Votimi nga Parlamenti bullgar për heqjen e vetos ndaj Maqedonisë së Veriut, hapi rrugën për nisjen e negociatave të anëtarësimit për të dyja vendet tona.
Në pritje të lajmit tjetër nga mbledhja e Këshillit Europian, që vijon ende”,-shkruan Meta në reagimin e tij./Opinion.al
