Si u votua sot në Parlament për imunitetin e Saimir Tahirit? Kjo është pyetja e para që shtrohet direkt sapo sheh tabelën elektronike me 75 vota pro Tahirit dhe 60 kundër. Tashmë prokuroria nuk mund ta arrestojë Tahirin, pasi mazhoranca vendosi ta mbajë në parlament.
Por si e arriti këtë Edi Rama, kreu i mazhorancës?
Vota ka qenë e hapur me elektronike ndaj ekuacioni është i thjeshtë.
Votave të Partisë Socialiste i janë bashkuar 3 vota të PDIU-së, dhe konkretisht Aqif Rakipi, Bujar Muça dhe Reme Lala.
Në sallën e parlamentit gjatë votimit kanë munguar Tom Doshi i cili u zgjodh deputet nën siglën e PSD dhe dy deputetë të LSI, Vangjel Tavo dhe Agron Çela. Në parlament nuk ishte as Fatmir Xhafa, ministri i Brendshëm që ndodhet në Itali. As Tahiri nuk ka marrë pjesë në votimin për imunitetin e tij.
/Opinion.al
