Këshilli Bashkiak i Tiranës vendosi ditën e djeshme për prishjen e godinës së teatrit. Sipas anëtarit të Këshillit, Fabian Topollaj votimi është kryer elektronikisht nëpërmjet e-mail-eve.
Në lidhje me këtë fakt ka reaguar Presidenti Ilir Meta.
“Nuk mund ta besoj që edhe kjo ka ndodhur”, shkruan Meta në Twitter.
Nuk mund ta besoj që edhe kjo ka ndodhur!https://t.co/aYdFtkxa9c
— Ilir Meta (@ilirmetazyrtar) May 15, 2020
Anëtari i vetëm i djathtë në Këshillin Bashkiak të Tiranës, Fabian Topollaj ka publikuar dy e-maile lidhur me këtë çështje për të cilën ai pretendon se nuk është mbajtur asnjë diskutim.
Topollaj shkruan se votimi për prishjen e godinës së Teatrit u bë me e-mail një ditë para mbledhjes së parashikuar për këtë çështje. Ai thekson se kjo çështje nuk ishte në rendin e ditës më datë 13 por u njoftua një ditë më vonë, në 14, se do të diskutohej të premten (15 maj).
Presidenti Meta ka çuar në Gjykatën Kushtetuese, vendimin e Këshillit të Ministrave të datës 8 Maj 2020, për kalimin në pronësi të Bashkisë së Tiranës, të truallit të Teatrit Kombëtar. Duke e konsideruar teatrin një pronë me vlerë për trashëgiminë tonë kulturore, Meta tha se teatri nuk mund të jetë juridiksion i bashkisë. /Opinion.al
