KQZ sqaron se nuk ka vendim për të përjashtuar nga numërimi dhe vlerësimi i votave, shqiptarët që kanë votuar nga Greqia.
Pas tensioneve të regjistruara mbrëmjen e djeshme te Parku Olimpik, KQZ mori vendim që GNV të vijojë me numërimin e fletëve të votimit duke lënë mënjanë zarfet nga Greqia, me qëllim zhbllokimin e procesit.
Ky vendim sipas KQZ, ka si qëllim vetëm mirë administrimin e dokumentacionit zgjedhor të votuesve nga jashtë.
”KQZ sqaron se nuk ka vendim të Komisionerit Shtetëror të Zgjedhjeve për të përjashtuar nga numërimi dhe vlerësimi i votave të votuesve nga Greqia.
Vendimi i marrë një ditë më parë, ka si qëllim vetëm mirë administrimin e dokumentacionit zgjedhor të votuesve nga jashtë, gjatë kohës kur ky dokumentacion, shqyrtohet nga numëruesit dhe komisionet përkatëse të administrimit të numërimit dhe dhe vlerësimit të votave nga jashtë për 12 qarqet e vendit.
Komentet dhe opinionet kundërshtuese për këtë akt janë mosnjohje e faktit madje me raste edhe spekullime”, thuhet në njoftimin e KQZ.
