Kreu i PD-së, Sali Berisha në një konferencë për mediat ka nxjerrë të dhënat, ku sipas tij, ka më shumë vota të numëruara se sa zarfe të dërguara nga diaspora në zgjedhjet e 11 Majit.
Kryedemokrati, Berisha ka deklaruar se votat janë plotësuar nga patronazhistët, duke shtuar se “nuk janë ngopur së futuri zarfe në kutitë që kanë ardhur”.
“Është proces i kriminalizuar, kurrë nuk do të njihet dhe nuk do të pranohet”, theksoi kryedemokrati, teksa nxori të dhëna nga votat e diasporës.
“Zarfet u plotësuan nga patronazhistët të dërguar nga Tirana, punonjës apo ish punonjës të ambasadave dhe solli manipulim të dalë jashtë kontrollit.
Ndër të tjera, dora e zeza e postës shqiptare është një nga faktorët e tjerë që u shtri mbi votën e diasporës. Lukunia e patronazhistëve ribëri nga e para votat siç deshi. Është proces i kriminalizuar, kurrë nuk do të njihet dhe nuk do të pranohet.
Vota të numëruara janë 12,290 kurse të dërguara janë 11,872. Kjo sepse ata që plotësuan zarfet nuk patën përmbajtje, tejkaluan edhe shifrat në Lezhë.
Dibër nga 77773 vota nga zarfe 7547të dërguara. Në Tiranë 43773 vota, ndërsa zarfe të dërguara 42402. Nuk janë ngopur së futuri zarfe në kutitë që kanë ardhur”, tha Berisha.
