Pavarësisht akuzave ndaj Vettingut dhe reformës në drejtësi si të kapur nga qeveria, kryetari i PD, Lulzim Basha ka vendosur që të votojë pro zgjatjes së mandati të organave të vettingut.
Në mbledhjen me grupin parlamentar, Basha është shprehur se PD mbështet luftën kundër korrupsionit dhe për këtë arsye PD duket se do të votojë pro në seancën e sotme.
Qëndrimi i Bashës vjen pas konsultimeve që ai ka zhvilluar ditët e fundit me BE dhe SHBA.
Ndërkohë, Në rendin e ditës në Kuvend janë futur sot ngritja e komisionit të reformës zgjedhore dhe asaj territoriale. Këto janë dy reforma themelore për rikthimin e demokracisë dhe votës së lirë si dhe rindarjen territoriale.
Basha iu ka thënë deputetëve në mbledhje se “sot nisim punën për dy reforma të rëndësishme dhe që janë prioritet për Shqiperine dhe demokracinë, prioritete për PD, reformen zgjedhore dhe atë territoriale.”
