Kryeministri, Edi Rama u bëri apel emigrantëve të regjistrohen në zgjedhjet e 11 Majit.
Në podkastin e tij “Flasim”, Rama u kërkoi që të mos e lënë regjistrimin për në moment të fundit pasi sistemi mund të mbingarkohet.
Teksa tha se emigrantët e Greqisë dhe Italisë që janë dëshmitarë të ndryshimeve që kanë ndodhur në vend, ai iu kërkoi të gjithëve të regjistrohen deri më 4 mars.
”Dua t’u them të gjithëve se data e fundit e regjistrimit është 4 Mars, kush dëshiron duhet të nxitojë të regjistrohen dhe mirë është që të regjistrohet gjithsecili, sidomos shqiptarët e Greqisë dhe Italisë janë dëshmitarë të shumë ndryshimeve që kanë ndodhur, por janë dëshmitarë të ndryshimit të reputacionit dhe të ndryshimit të këndit të shikimit, jo të masës kryesore të popullatës, por edhe atyre që deri dje i shikonin si me…
Është e thjesht me platformën e KQZ mjafton të shkohet në Google. Mund të regjistrohen edhe me ata me pasaportë apo ID që mund të kenë dalë jashtë afatit. Votimi është falas, financohet nga shteti.
Shpresoj që sa më shumë të marrin pjesë, aq më mirë është. Unë e di që ne shqipot i lëmë gjërat për në moment të fundit, por i lini sepse mund të keni mbingarkesë të sistemit dhe mbeteni pa regjistruar, bëni çmos që të regjistroheni deri më 4 Mars”, tha Rama.
