Kryeministri Edi Rama, gjatë takimit vjetor të Këshillit Koordinues të Diasporës, ka folur për votën e diasporës dhe për emigrantët që ndodhen jashtë vendit.
Sipas tij vota e diasporës ishte një mision jo i lehtë, pasi kërkonte një vullnet që shkon përtej ndasive partiake.
Rama njoftoi gjithashtu se vitin e ardhshëm Shqipëria do të ketë asistent në platformën e-Albania, për të lehtësuar e përshpejtuar edhe marrjen e dokumentacionit të emigrantëve që vijnë.
“Vota e diasporës, një mision jo i lehtë. Është i lidhur me një vullnet që shkon përtej ndasive partiake dhe kërkon një votë më të madhe në numër se ajo e një shumice qeverisëse, arsye pse jemi vonuar për një kohë të gjatë.
Mendoj se si rezultat i punës së këshillit të diasporës, u realizua dhe sot jemi në prag të në procesi zgjedhor, ku për herë të parë në historinë demokratike të Shqipërisë do kemi votën e diasporës, me postë nga aty ku banojnë.
Është një sfidë më vete, nuk e shoh kryetarin e KQZ, por me siguri do të jetë i pranishëm për të dhënë këndvështrimin e tij Teknik.
Ka një proces që herën e parë është kompleks, dhe pastaj bëhet më i thjeshtë që në momentin që personat janë të regjistruar.
Më vjen mirë që mund tu themi shqiptarëve në diasporë që jeta e tyre është lehtësuar, në aspektin e shërbimeve konsullore, me dokumente dhe certifikata. Sot kemi shërbime të digjitalizuar. E-Albania është në shërim të gjithë qytetarëve dhe së shpejti, vitin e ardhshëm do të lancojmë modelin e ri të Inteligjencës Artificiale në këtë platformë, dhe asistenti që është në shkrim do të kthehet i gjallë. Do të kryejë gjithë procesin e dhënies së shërbimit. Nuk do të jetë një ndërveprim si ky i sotme, do të jetë një komunikim direkt me video-call, ku në praninë tënde asistenti do ta bëjë për ty shërbimin. Ky do të jetë asistenti në mos i parë, nga të parët, në Europë”, tha ai.
Në kushtet kur kjo ka ndodhur, ka shumë shqiptarësh që po kërkojnë rimarrjen e shtetësisë Shqiptare dhe për këtë ministria e jashtme duhet të garantojnë një shërbim të shpejtë”, tha Rama
