Vota e diasporës dhe rezultati i saj i deritanishëm, ka sjellë ‘revoltë’ nga ana e Partisë Demokratike.
Demokrati Eno Bpzdo ka qenë mbrëmjen e sotme në një lidhje për emisionin “Opinion” në TV Klan, ku foli për rezultatin e këtyre zgjedhjeve parlamentare.
Bozdo tha se kjo disfatë e PD-së ishte rezultat i presionin që PS ushtroi ndaj administratës dhe metodat të tjera që ka përdorur për të marrë vota nga ana e socialistëve.
Pjesë nga fjala e Bozdos:
“Administrata është kërcënuar me vendin e punës, të jepnin 10 kontakte me njerëz të tyre diku jashtë. Ky është mekanizmi kryesor që ka funksionuar, në mënyrë që të jepnin 5 apo 10 kontakte. Këtë e kam denoncuar. Gjatë fushatës time zgjedhore në Berat kam denoncuar një call center ku me video-call kontakoheshin të tërë dhe u kërkoheshin vota për PS-në. Të lutem se më heqin nga puna, i marrin në telefon. Të lutem o djali i hallës, ose çupë e tezes…Nuk i shkonte mendja askujt që presioni do të ishte i tillë. Unë po flas për presion të mirëfilltë, e kam me dhjetëra raste! Për të mos folur për raste flagrante të kapjes së postierit të lagjes, zarfet janë grumbulluar nga celula e PS-së. Si ma shpjegoni trendin ju?!”, tha Bozdo.
