Policia e Vorës ka parandaluar përshkallëzimin e një konflikti mes dy personave.
Bëhet fjalë për një konflikt për motive pronësie mes 62-vjeçarit I.T dhe fqinjit të tij B.A, 46 vjec, në fshatin Domje.
I.T në kushte të rënduara psikike kishte goditur me sopatë komshiun e tij. Për këtë ngjarje banorët e zonës njoftuan policinë e cila parandaloi përshkallëzimin e mëtejshëm.
Mësohet se shtetasi B.A, ndodhet në spital jashtë rrezikut për jetën
Në përfundim të veprimeve, Specialistët e Seksionit për Hetimin e Krimit në Komisariatin e Policisë Vorë, arrestuan në flagrancë shtetasin: I. T., 62 vjeç, banues në Domje, për veprën penale “Plagosja e rëndë në gjendje të tronditjes së fortë psikike”. Materialet i kaluan Prokurorisë për veprime të mëtejshme. /Opinion.al
