Komisioneri Shtetëror i Zgjedhjeve Ilirjan Celibashi tha gjatë një daljeje për mediat se çdo ditë e humbur lidhur me fletën e votimit ndikon procesin.
Kjo deklaratë e Celibashit erdhi pas faktit që palët kanë kanë çuar në Komisionin e Ankesave dhe Sanksioneve fletën e miratuar nga KQZ.
“Çdo ditë që ne humbasim lidhur me mënyrën se si do të jetë forma dhe përmbajtja e fletës natyrisht ndikon në proces, sepse do duhet që votuesit të kenë dijeni se si do të jetë fleta e votimit në mënyrë që KQZ të zhvillojë fushatën informuese se si do të bëhet votimi.
Nuk e kam pritur që do të ketë kaq shumë kundërshti nga palët mbi fletën e votimit, por jemi në këtë stituatë dhe shpresojmë që palët të kuptojnë se është më e rëndësishme koha se sa si do të jetë fleta e ndërtuar”, tha Celibashi.
Demokratët, pasi morën emrat e kandidatëve në fletë, insistojnë edhe për renditjen vertikale të subjekteve zgjedhore. Ndërsa Partia Socialiste, fletën e votimit kërkon që kandidatët të indentifikohen përmes numrave dhe jo emrit të përveçëm.
Në KAS ka shkuar edhe Bindja Demokratike, e cila kundërshton vendimin e Celibashit, ku në fletën e votimit nuk ka reflektuar logon e re të partisë, që u bë objekt debati me PD-në, për shkak të ngjashmërive/Opinion.al
