Pasagjeret e linjës Tiranë -Bergamo kanë pritur më shumë se 11 ore avionët e kompanisë Blue Panorama për t’u nisur drejt Italisë.
Mbi 200 pasagjerë, mes tyre gra dhe fëmijë mbetën të bllokuar për mbi 11 orë në Aeroportin e Rinasit, ndërsa kompania nuk dha asnjë sqarim për vonesat.
Fluturimi drejt Italisë ishte planifikuar për në orën 15:45 të ditës së diel, ndërsa avioni u nis në orën 03:00 të mëngjesit të së hënës.
Një pasagjer ka pohuar për Report Tv se rreth 200 persona kanë qenë duke pritur në terminalin e Aeroportit të Rinasit 2 avionët e kompanisë Blue Panorama që në orën 14:00 te mesditës së të dielës.
Duke mos marrë asnjë përgjigje nga kjo kompani pasagjerët u detyruan të bëjnë denoncimin në media.
Pasagjerët pohojnë se 2 avionët e kompanisë “Blue Panorama” kanë mbërritur në aeroportin e Rinasit rreth orës 20:00, ndërsa janë nisur në orën 03:00 të ditës së hënë.
Ndërkohë edhe me datën 30 gusht avioni i kompanisë Blue Panorama pas një avarie ka bërë ulje të detyrueshme ne pistën e Rinasit.
