Presidentja e Komisionit Evropian, Ursula von der Leyen ka reaguar pas përmbylljes së Samitit të Komunitetit Politik Evropian në Tiranë.
Përmes një postimi në rrjetet sociale, Von der Leyen e cilësoi mbajtjen e Samitit si një moment historik dhe simbolik për rajonin e Ballkanit Perëndimor.
“Po binte shi i rrëmbyeshëm në Tiranë – por nuk na zbehu aspak moralin!”, shkroi Von der Leyen.
Ajo theksoi se ky ishte takimi i parë i këtij lloji që mbahet në Ballkanin Perëndimor, dhe e cilësoi si një “simbol të fuqishëm” të afërsisë së rajonit me Bashkimin Evropian.
“Familja jonë evropiane e vlerave shtrihet përtej kufijve të Bashkimit Evropian. Ne ndajmë një kontinent. Dhe një të ardhme të përbashkët”, shkroi presidentja e KE-së, duke përcjellë një mesazh të qartë për vazhdimësinë e bashkëpunimit dhe integrimit evropian.
View this post on Instagram
