Europianët do të gjejnë zgjidhje inteligjente për të lejuar popullatën të bëjë pushime verore pavarësisht epidemisë së koronavirusit. Kështu është shprehur presidentja e Komisionit Europian Ursula von der Leyen.
Në një intervistë pë Expresso Sunday, presidentja është treguar shumë më optimiste se një javë më parë, kur thoshte që ishte ende herët për të rezervuar pushime.
“Besoj se do të gejjmë zgjidhje të zgjuara për të organizuar pushime verore. Ndoshta pak ndryshe, me masa të larta higjienike, me pak më shumë distancë sociale , por do t’i gjejmë”, ka thënë von der Leyen
. Sipas presidentes është pozitiv fakti që vendet e BE po shohin lehtësimin e masave, por ka paralajmëruar qeveritë që të ecin përpara me kujdes, hap pas hap dhe gjithmonë në vigjilencë. “Është e vështirë të parashikosh se si do të jenë muajt e ardhshëm, por ajo që shoh është se po mësohemi të bashkëjetojmë me virusin”, ka shtuar./Opinion.al
