Në Greqi mbahet sonte darka informale e liderëve të Ballkanit Perëndimor, e organizuar nga kryeministri grek Kyriakos Mitsotakis.
Pjesë e këtij takimi është edhe Presidentja e Komisionit Europian Ursula von der Leyen.
Nëpërmjet një reagimi në “Twitter”, Vond der Leyen shprehet se është me rëndësi që përafrimi i shteteve që aspirojnë të hyjnë në BE duhet të ndodhë sa më shpejt.
“Ne duhet t’i sjellim miqtë tanë, anëtarët aspirantë të BE-së shumë më afër nesh dhe shumë më shpejt. Gëzohem që jam në Athinë për të diskutuar perspektivën evropiane të fqinjëve dhe partnerëve tanë në Lindje dhe në Ballkanin Perëndimor. Ne do të vazhdojmë të rrëzojmë barrierat midis rajoneve tona”, shkruan ajo në “Twitter”.
Kujtojmë se kryeministri Edi Rama nuk u ftua nga homologu i tij grek. MItsotakis i bëri ftesë presidentit të Shqipërisë, Bajram Bekajt, por ky i fundit nuk mundi të shkonte për shkak të një angazhimi./Opinion.al
