Kompania Volvo, e cila ka shpikur rripat e sigurisë, ka ndërmarrë një tjetër masë historike sigurie për të gjithë personat që zgjedhin të udhëtojnë me makinat e saj.
Kompania suedeze ka njoftuar se ka vënë një limitit shpejtësie 180 kilometra në orë për të gjitha veturat që do të prodhojë. Një akt revolucionar dhe i rrezikshëm ky i Volvos nga pikëpamja e shitjeve, por një masë e rëndësishme për rritjen e sigurisë së udhëtarëve dhe ndërgjegjësimit për shpejtësinë. “Duam të nxjerrim në pah rreziqet që vijnë nga shpejtësia e madhe”, ka thënë një zyrtar i kompanisë.
Në një kohë kur të gjitha kompanitë po synojnë të prodhojnë makina më të shpejtë, Volvo ka hartuar “strategjinë etike” që synon të zerojë numrin e personave që mbesin të plagosur apo humbasin jetën kur udhëtojmë me makinat Volvo./Opinion.al
