Vijojnë akuzat e kundër-akuzat mes deputetes demokrate, Albana Vokshi dhe kryebashkiakut të Durrësit, Vangjush Dako.
Vetëm pak minuta më parë, Vokshi i është përgjigjur shënimit të Dakos në Facebook, duke i kujtuar atij se e folura me kode dhe intimidimi verbal i tij është një tregues i rëndësishëm.
Vokshi deklaron se në të njëjtën mënyrë kundërpërgjigjeshin ndaj atyre që thonin fakte e të vërtetat, politikanët që rezultuan të lidhur me mafian në shtetin Italian, ku z. Dako ka qenë emigrant dikur.
Sipas saj, vulgu i koduar dhe shantazhi në emër të ligjit, janë dy karakteristika të kësaj race politikanësh.
Deputetja e PD-së, deklaron se kjo është replika e fundit me të, por ka vetëm një pyetje:
“Mirë mua do më cosh në gjyq, po dosjes hetimore “339”, çfarë do t’i bësh?”
Reagimi i Dakos: Shih shih, më qenka pergjigjur Albana Vokshi bo bo bo!.. Tamam siç është dhe sic e tregojne, tallagjare që s’i ndahet tjetrit.. Bërtet fort dosja thotë! Po shumë mirë, hajde në gjyq të të shohin edhe gjykatësit kur të bërtasësh fort! Vetëm për kërcënim mos akuzo se kjo nuk pranohet. Padia është qytetari jo kërcënim. Kollaj të bërtasësh fort kur s’ke gjykatësin mbi kokë, po hajde ta shofim njëherë sa do bërtasesh kur të jesh në këmbë atje.
