Albana Vokshi ka reaguar pas vendimit të kryesisë për përjashtim e saj nga Partia Demokratike.
Vokshi shkruan se nga PD nuk më përjashtojnë dot ata që nuk kanë lidhje me PD-në.
Ajo shprehet se Basha është shkarkuar me 4446 vota të delegatëve legjitim të Kuvendit Kombëtar të PD, teksa thekson se vendim ky i ratifikuar në mënyrë unanime nga rreth 44 mijë anëtarë të PD në referendumin e dt 18 dhjetor 2021.
“Nga PD nuk më përjashtojnë dot ata që nuk kanë lidhje me PD-në.
Nga PD nuk më përjashton dot një grup uzurpatorësh që PD-në e kanë mjet për pasurimin personal, ndaj e duan me çdo kusht. Ata nuk kanë lidhje as me demokratët as me demokracinë.
I vetmi organ legjitim në Partinë Demokratike, mandatuar nga Kuvendi Kombëtar i 11 dhjetor 2022, është Komisioni i Rithemelimit të PD në të cilin unë jam anëtare.
Lulzim Basha është shkarkuar me 4446 vota të delegatëve legjitim të Kuvendit Kombëtar të PD, vendim ky i ratifikuar në mënyrë unanime nga rreth 44 mijë anëtarë të PD në referendumin e dt 18 dhjetor 2021. Në demokraci sovrani vendos!”, thotë Vokshi./Opinion.al
