Deputetja demokrate, Albana Vokshi duke folur në foltoren e parlamentin, në debatin për draftin që parashikon shembjen e Teatrit Kombëtar, tha se Rama po i vë sot deputetët përpara një prove të vështirë. Një basti që ai ka me veten prej 20 vitesh për të shkatërruar institucionet e kulturës.
Ajo tha se deputetët e PS nuk kanë të drejtë të flasin as të mendojnë, por ata ngrenë kartonin për të noterizuar vjedhjen. “Ka sjellë draft në shkelje të një sërë ligjesh dhe vetë kushtetutës. Ka sjell një draft të një ndërtuesi me 4 klasë shkollë. Ky është ligji Rama-Fusha me të cilin duan të fitojnë 205 milionë euro”, tha Vokshi. Sipas saj, nëse kalon ky ligj, Rama sdo ndalet do kërkojë të shkatërrojë gjithë qendrën e Tiranës, do kërkojë të shembë Bibliotekën Kombëtare dhe Operan.
