Ka nisur mbledhja e Grupit Parlamentar të PD-së në selinë blu. Ka qenë deputetja Albana Vokshi që i ka kërkuar kreut të Grupit Parlamentar të PD-së Enkelejd Alibeaj që të bëjë kërkesë në Kuvend për 5 deputetët e përjashtuar, për tu cilësuar deputetë të Grupit Parlamentar të PD-së.
“Jemi 5 deputetë të përjashtuar. Duhet të bëni kërkesën në Kuvend”, tha Vokshi.
Alibeaj mësohet të jetë përgjigjur: “nuk zhbej dot unë me vullnet personal vendime që janë marrë nga organe të partisë”.
“Se akuzuat Bashën që merr vendime personale për perjashtimin e Sali Berishës, tani unë nuk do marr vendim personal për futjen tuaj”, ka shtuar Alibeaj.
Kujtojmë se deputetët e përjashtuar nga PD janë Sali Berisha, Flamur Noka, Albana Vokshi, Luan Baçi, Edmond Spaho. Vendimi ndaj tyre u mor pas protestës së 8 janarit, ku anëtarët e Rithemelimit zhvilluan një manifestim para selisë së PD.
