“Më ndihmoni, nëna ime donte të më vriste me thikë”. Kjo ka qenë dëshmia tronditëse e një djali 10 vjeç para policisë. Djali i tmerruar është paraqitur vetë në stacionin e policisë në Napoli, ku ka rrëfyer çastet delikate që kishte kaluar.
Me lot në sy dhe i frikësuar, ai ka treguar se nëna e tij shqiptare kishte tentuar të vriste veten por edhe atë.
Para zv.komisarit të policisë, vogëlushi tha se nëna kishte shfaqur shenja agresiviteti duke tentuar që ta godiste me thikë, raporton panorama.
Menjëherë janë vënë në dijeni punonjësit e shërbimit social që kanë folur me djalin si dhe kanë takuar babanë e tij italian.
Punonjësit e shërbimit social ishin në dijeni të situatës kritike në këtë familje, por tashmë duket se tashmë gjithçka ishte kthyer në dramatike.
Në pritje të masave nga ana e gjykatës, vogëlushi 10 vjeç është marrë nën përkujdesje.
Nga hetimet e policisë rezulton se nëna shqiptare ka kryer edhe herë të tjera veprim të tillë. Por, fëmija nuk ka shenja dhune fizike.
