Një 24-vjeçar ka rënë në prangat e policisë pasi mëngjesin e datës 19 Janar në bashkëpunim me një person tjetër, i cili është shpallur në kërkim kanë grabitur një lokal Krujë.
Sipas njoftimit të bluve këto dy persona nën kërcënimin e armës i kanë vjedhur xhiron ditore prej 20000 lekësh kamarierit të lokalit, në Krujë.
Në prangat e bluve ka rënë 24-vjeçari me iniciale A.K, i cili në momentin e arrestimit kishte dy pistoleta në brez, ndërkohë që në kërkim është shpallur bashkëpunëtori i tij.
Bëhet e ditur gjithashtu se pasi forcat e policisë i kanë rrethuar banesën për të ushtruar kontroll 24-vjeçari ka dalë nga banesa me dy armë zjarri pistoleta në brez, por është neutralizuar dhe arrestuar nga forcat e policisë.
Në cilësinë e provës materiale u sekuestruan dy armët e zjarrit pistoleta me dy krehra me fishekë.
Materialet do t’i kalojnë Prokurorisë pranë Gjykatës së Shkallës së Parë Krujë, për kryerjen e veprave penale “Vjedhja me dhunë”, kryer në bashkëpunim dhe “Mbajtja pa leje e armëve dhe municionit luftarak”./Opinion.al/
