Zbardhen detaje nga ngjarja e së premtes mbrëma në Konispol, ku u gjet në rrugë një i ri i larë në gjak e i pajetë. Policia ka identifikuar viktimën e gjetur pranë kufirit grek në Konispol, policia e Sarandës ka arritur të identifikojë viktimën, ndërsa thotë se ka vdekur si pasojë e një aksidenti.
Zyrtarisht, policia e Sarandës njofton se ka identifikuar të riun që humbi jetën mbrëmjen e së premtes në Konispol. “Ai është Shkëlzen Mema 38 vjec nga Bregu i Lumit Tirane” njofton policia. Sipas saj, Viktima 38 vjeçari Mema fillimisht ka vjedhur nje motor tip Daitan ngjyre blu pa targa prone e shtetasit Alfred Brahimi 40 vjec banor i Konispolit. “Viktima Shkëlzen Mema ka perdorur rrugën Konispol pikën më të lartë kufitare 68 për të kaluar për në Greqi. Në dalje të lagjes Qesarajzë ai është rrëzuar dhe për rrjedhojë ka humbur jetën”, sqaron policia pas hetimeve të para. Ka qenë një bari ai që e ka parë 38 vjeçarin të rrëzuar në tokë dhe të mbytur në gjak, të cilët më tej kanë njofuar policinë e cila ka shkuar në vendngjarje dhe arriti në një kohë të shkurtër ta identifikojë.
