Dy persona tentuan ti vidhnin portofolin një efektivi policie (pa uniformë). Ngjarja ndodhi paraditen e djeshme ndërsa sot, njëri prej autorëve është vënë në pranga.
Policia deklaron se është arrestuar Alfons Loci, 29 vjeç, banues në Tiranë dhe është në kërkim A. D., 25 vjeç, banues në Tiranë, i dënuar më parë.
Këta dy persona, dje rreth orës 09:30, në afërsi të mbikalimit të “Casa Italia”, në autobuzin e linjës Kamëz–Tiranë, në bashkëpunim me njëri – tjetrin kanë tentuar të vjedhin portofolin duke e goditur me grushta punonjësin e policisë K. B., 22 vjeç, banues në Tiranë, i cili ndodhet i shtruar në spital, jashtë rrezikut për jetën.
Por policia duket se do t’ju faturojë edhe disa ngjarje të tjera që ishin të pazbuluara.
Sipas policisë ka dyshime se Loci dhe shoku i tij kanë kryer edhe një sërë vjedhjesh të tjera, si:
Më datë 22.09.2016, në Bulevardin “Zogu I Parë”, tek një restorant, shtetases R. B., me origjinë Norvegjeze, i kanë marrë portofolin ku në brendësi ka pas një shumë monetare.
Më datë 21.09.2016, tek terminali i autobuzave të jugut, shtetasit A. H., i kanë marrë portofolin ku në brendësi ka pas një shumë monetare.
Më datë 29.07.2016, në rrugën “Dritan Hoxha”, në autobzin e linjës së Tiranës së Re, shtetases M. H., i kanë marrë portofolin ku në brendësi ka pas një shumë monetare.
Më datë 05.08.2016, në Rrugën “Asim Vokshi”, në autobzin e linjës së Unazës, shtetases B. P., i kanë marrë aparatin telefonik.
