Tre hajdutë janë kapur sot nga policia dhe bashkë me to janë sekuestruar edhe sendet e vjedhura. Ata janë: Florjand Lika, 21 vjeç, banues në Tiranë, i dënuar më parë, Sabri Çoku, 21 vjeç, banues në Tiranë, Hazret Zmakaj, 18 vjeç, banues në Tiranë.
Mëngjesin e djeshëm këta persona kanë vjedhur kasafortën e një firme private në Laprakë, në në rrugën “Dritan Hoxha”. Sipas policisë janë vjedhur rreth 200.000 leke, 400 paund dhe 245 euro.
Në cilësinë e provës materiale, personave të arrestuar iu gjetën:
• 100.000 leke
• 610 euro
• makinë “Ford”
• aparate celulare
• disa vegla pune
Gjithashtu nga hetimet e kryera ka rezultuar se këta shtetas janë të dyshuar si autorë të vjedhjes së ndodhur më datë 15.07.2016, tek kompleksi Malajzian, është vjedhur me thyerje, zyra e shtetasit I. D., ku kanë marrë një kompjuter dhe 140 euro.
*Në foto: Sendet e sekuestruara nga policia
