Gjykata e Tiranës ka dhënë dënim maksimal për autorin e vjedhjes së një banke të nivelit të dytë në ish-Bllok.
Roland Liti u dënua nga Gjykata e Tiranës me 13 vite burg, ndërsa Alan Babameto me 1 vit e 6 muaj, pasi u akuzua për moskallëzim krimi.
Banka e nivelit të dytë në zonën e ish-Bllokut u grabit më datë 8 gusht të 2016-ës, ku autorët mundën të merrnin rreth 190 milion lekë të vjetra.
Autorët kanë mundur të hyjnë në ambientet e një bodrumi që më parë ka shërbyer si lokal, duke thyer një dritare të vogël.
Ata u tradhtuan nga shenjat e gishtërinjve që kishin lënë mbi një shishe uji, të cilën e kishin harruar në vendin e ngjarjes.
