Tre persona janë arrestuar nga Policia e Vlorës,pasi akuzohen se në bashkëpunim me njëri-tjetrin kanë vjedhur një automjet tip “Fiat”.
Policia bën me dije se një nga personat e arrestuar ishte i shpallur më herët në kërkim. Ndalimi i tyre u bë në kryqëzimin e “Kalit të Trojës”, ku qarkullonin pa dokumentet përkatëse.
Automjeti i vjedhur ishte në pronësi të shtetasit të identifikuar me inicialet T.N. Ndërkohë, policia po vijon hetimet në lidhje me ngjarjen për të zbuluar qëllimin e vjedhjes së automjetit dhe nëse ka persona të tjerë të përfshirë në vjedhjen e makinës.
Njoftimi i policisë:
Në vijim të punës intensive për vendosjen para përgjegjësisë penale të autorëve të ndryshëm, Policia ka arrestuar 3 shtetas, njëri prej tyre në kërkim. Gjithashtu janë proceduar penalisht dhe 2 të tjerë. Arrestohen në flagrancë shtetasit J.D., 31 vjeç dhe Sh.H., 21 vjeç, me banim në Vlorë. Policia ka bërë arrestimin e tyre pasi këta shtetas në bashkëpunim me njëri-tjetrin kanë vjedhur automjetin Fiat në pronësi të shtetasit T.N. Këta shtetas u kapën në kryqëzimin e “Kalit të Trojës” bashkë me mjetin e vjedhur dhe të dy pa leje drejtimi përkatës. / Opinion.al E.Xh.
