Lançohet programi i ri, Një milionë telefona për planetin, në mbështetje të ekonomisë qarkulluese
WWF do të ndihmojë kompaninë Vodafone të reduktojë në zero emetimet e karbonit deri në vitin 2040, të eleminojë mbetjet nga pajisjet elektronike dhe të stimulojë një ekonomi më qarkulluese për telefonat celularë. Partneriteti u lançua krahas një programi të ri, Një milionë telefona për planetin, i cili do të ndihmojë që Vodafone të përshpejtojë dhe përsosë filozofinë e ekonomisë qarkulluese, duke shtuar numrin e pajisjeve të reja që mund të përftohen në këmbim të një pagese më të vogël dhe një pajisjeje të përdorur, duke shtuar sasinë e pajisjeve të përdorura por në gjendje të mirë dhe atyre të ricikluara.
Programi do të frymëzojë klientët e Vodafone në Evropë dhe Afrikë që të dorëzojnë pajisjet e tyre të vjetra në këmbim të të rejave, si donacion për kauza sociale apo për riciklim. Duke filluar nga 22 nëntor 2022, për çdo telefon të dorëzuar gjatë kësaj fushate, Vodafone do t’u dhurojë projekteve të WWF për mjedisin në të gjithë botën 1 paund, ose ekuivalentin në monedhë lokale.
Alex Froment-Curtil, Chief Commercial Officer në Vodafone Group, tha: “WWF dhe Vodafone besojnë se ne të gjithë mund të bëjmë zgjedhje të gjelbëra kur përdorim teknologjinë dhe nëse miliona njerëz reagojnë, të gjithë së bashku mund të bëjmë diferencën. Partneriteti ynë me WWF do të nxisë nisma të reja që frymëzojnë klientët të ndërmarrin veprime që mund të ndihmojnë në reduktimin e emetimeve të karbonit prej tyre, si dhe të reduktojnë trysninë ndaj burimeve natyrore.”
Tanya Steele, Shefe Ekzekutive e WWF, tha: “Secili prej nesh mund të japë kontributin e tij për ta risjellë në jetë botën tonë dhe teknologjia që përdorim çdo ditë mund të luajë një rol të rëndësishëm në adresimin e emergjencave klimatike dhe natyrore. Falë këtij bashkëpunimi me Vodafone, ne do të eksplorojmë se si secili prej nesh mund të reduktojë dëmet e tij ndaj mjedisit duke përdorur shërbimet dhe teknologjinë digjitale, teksa në të njëjtën kohë përdor teknologjinë celulare për të ndihmuar projektet e WWF për mbrojtjen e mjedisit në të gjithë botën. Jemi shumë të lumtur që do të punojmë së bashku për një vizion të përbashkët për planetin.”
Partneriteti tre-vjeçar i Vodafone me WWF konsiston në lançimin e nismave strategjike në tregjet e Vodafone në Evropë dhe Afrikë. Këtu përfshihen aplikacione që iu vijnë në ndihmë klientëve Vodafone për të bërë zgjedhje më të qëndrueshme, si edhe projekte të ndryshme në Afrikën e Jugut, Gjermani dhe Mbretërinë e Bashkuar, të cilat përdorin teknologjinë celulare për të adresuar sfidat e mbrojtjes dhe qëndrueshmerisë së mjedisit.
Vodafone do të përfitojë nga rrjeti global i ekspertizës së WWF për problemet e mjedisit e kapacitetet ndërkombëtare që qëndrojnë në krye të luftës për mbrojtjen e mjedisit dhe emergjencave natyrore.
Një milionë telefona për planetin do të zhvillohet krahas fushatave të tjera ekzistuese për pajisjet teknologjike, përfshirë One for One (Një për një) në Gjermani dhe fushatën e Vodafone UK,Great British Tech Appeal.
Vodafone beson se suksesi në biznes nuk ka përse të ketë kosto në mjedis, ndaj është angazhuar të reduktojë impaktin që ka në planet aktiviteti i kompanisë. Rrjetet dhe teknologjitë digjitale të Vodafone janë shumë të rëndësishme për të adresuar sfidat mjedisore, të ndryshimeve klimatike, duke kursyer energji, duke i përdorur burimet natyrore më me efikasitet dhe duke krijuar një ekonomi më qarkulluese. Vodafone po punon fort për të reduktuar impaktin mjedisor deri në “net zero” emetim karboni brenda 2040, teksa paralelisht ndihmon edhe klientët e vet biznes që të reduktojnë emetimet e tyre të karbonit në 350m tonë brenda 2030. Kompania po ndërmerr gjithashtu një sërë hapash për të reduktuar mbetjet e pajisjeve teknologjike si dhe po avancon në kapjen e targetit për të ripërdorur, rishitur apo ricikluar 100% të mbetjeve të rrjetit të tij.
