Qyteti i Vlorës u tronditë mesditën e së mërkurës nga një ngjarje e rëndë. 57-vjeçari Teodor Lera ka mbytur bashkëshorten e tij Eva Lera, 45 vjeçe dhe më pas në gjendje të ngarkuar psikologjike ka tentuar të vrasë veten duke prerë damarët.
Panorama publikon për herë të parë edhe foton e çiftit, që në fakt dukej se ka qenë i përfshirë në një jetë bashkëshortore problematike.
Fqinjët e tyre flsinin për xhelozi të bashkëshortit, ndërsa kjo nuk kishte qenë hera e parë kur gruaja kishte rënë viktimë e dhunës.
Rreth një vit më parë ajo ishte goditur nga I shoqi në kokë dhe e kishte denoncuar, por më pas ishte tërhequr. Çifti kishte tre fëmijë, dy prej të cilëve emigrantë jashtë vendit. / M.B
