Një 53 vjeçare është arrestuar nga policia e Vlorës me dyshimin se vodhi një sasi parash nga banesa ku punonte si pastruese.
Policia e Vlorës ka arrestuar në flagrancë për vjedhje, Roza Rustemaj, 53 vjeçe, banuese në Vlorë.
Arrestimi i saj u bë nga Shërbimet e Policisë pasi kjo shtetase dyshohet se ka vjedhur një sasi parash në banesën e shtetasit S.N., 43 vjeç, në lagjen “Pavarësia” Vlorë.
Në bazë të veprimeve hetimore, ka rezultuar se kjo shtetase duke punuar si sanitare në këtë banesë përgjatë muajit Korrik 2016, dyshohet se ka vjedhur në total 300.000 lekë dhe 1000 euro.
